咕嚕肉變做街頭小食你聽過未😂大鄉里嘅我就第一次聽喇😯不過想法幾好，以後想過口癮個陣都有地方食喇🤟🏻
梅頭肉 $38 豚爽肉 $38
套餐+$15👉🏻配薯角/炸菇 及汽水
研究左個餐牌一陣先點到餐🤣叫一款肉就可以跟一隻醬同青瓜蘿蔔🙈今次叫咗招牌嘅菠蘿咕嚕醬同埋金沙蛋黃醬，個咕嚕醬偏酸一啲🤘🏻點肉食開胃實無死👍🏻初頭揀金沙蛋黃醬係滿心期待佢好似鹹蛋黃醬咁🤭點知自己搞錯咗，食落就知佢係蛋黃醬，食沙律個隻蛋黃醬😂😂金沙味道就唔見咗
咕嚕肉本身都好食，佢嘅豬肉味幾香☝🏻不過最有驚喜嘅係炸菇呀🥰外層炸粉唔會太厚，菇仲係濕潤嘅，加埋鹽酥粉，最好食係佢😈酒鬼豬肉丸（+$10轉）有酒味，但肉就較乾同燶
涼茶．啤 跟餐+$12轉
一開頭見到竹蔗茅根．啤🤩心諗涼茶加啤酒唔知好唔好飲，點知嚟到一飲🤯啤酒味呢？！望返個餐牌就瞬間變柒頭🤣大大隻字寫明無酒精飲品！原來係涼茶扮啤酒🍻係純竹蔗茅根嚟嘅，嗯🤔你都知咩味架喇
好味😍指數（5粒最高）：😍😍😍
