鮮蒲 (Closed)

今晚得一支公就逛下有咩好食，發現原來紅磡既食街，已經由崇潔街延伸到到隔離既崇志街。行到崇志街既街中間，見到呢間五光十色既餐廳，就決定幫襯下。餐廳係係崇志街29號，由黃埔站行黎都要大概15分鐘，地點唔算好方便，不過就容易locate既。餐廳比較的骰，裝修簡單，環境舒服。Menu餐廳主打湖南川式既辣食，推介既就係全港首創既錫紙貝殼粉同津市牛肉粉，仲可以好似車仔麵咁加其他配料。招牌醉凍雞翼$28/4隻 $32/6隻呢個醉雞翼雞皮滑，雞肉又嫩又爽，紹興酒味濃，仲有微辣，食落更加惹味醒胃錫紙貝殼粉絲（特製奇香湯底）$52呢個錫紙貝殼粉，其實係黎自重慶四川一帶既，賣相有趣，外面用左層錫紙包住入面既湯、粉、同配料，佢地話咁樣可以鎖住食物既原味，將精華全部留住。呢個湯底可以揀原味，如果想要麻辣+$1、清香辣+$2，仲可以轉河源米粉或者+$1轉沙河粉tim，好多配搭。講番個湯底，佢入面有沙白、茶樹菇、木耳、生菜等等，味道清香鮮甜，沙白仲好大隻冇沙既，粉絲軟硬度適中，仲好高掛湯能力，所以食落味道濃郁，大碗又抵食