芝加哥串燒 (美豐花園) (Closed)

同同事放工做到身水身汗，大家都想食少少野先返屋企，我建議黎哩間串燒店食宵夜，因為我之前食過覺得唔錯，而且容易泊車。韮菜，睇下最普通既食物，但係其實要燒得好都考師傅功架，出面有時會燒到好濃，哩到剛剛好，加埋孜然粉好味。雞皮，好香脆唔油膩。一口雪花牛，燒至7成熟，咬落入面冇血水，而且又唔會”鞋口”。雞翼，外皮好脆，肉質亦唔乾身。多春魚。羊架，又係我最愛，肥膏位置最多油脂而且最有羶味，大啖咬落去超正鮑魚仔，由於同事唔食羊，鮑魚仔佢食返2隻。燒得好香好爽，唔會韌。燒物配啤酒真係一流，冰冰涼涼爽晒。宵燒邊食住串燒邊講公司既野，果種感覺超正，咩壓力都消晒，食完吹完水，大家各自歸家。