美味佳 (Closed)

凌晨1點幾未瞓可以做啲咩...梗係去食宵夜啦...雖然美味佳老闆娘惡就出哂名...但係都無損我食野嘅心情...因為呢度啲串燒真係平，靚，正對比返上次...今次啲串燒仲惹味過上次...就好似雞全翼咁吖...燒得恰到好處...食落啲雞肉多汁嫩滑...我地食完每人一隻之後再encore多次...而食佢地嘅串燒個精髓就係佢啲辣粉...令到每串串燒更加吊味...食完一串會想再接再厲...仲有必食嘅係燒茄子同燒韮菜...面個浸蒜蓉入哂味落啲茄子到...食到滿口蒜蓉味...再加上茄子夠鮮甜...個個都爭住食...所以忍唔住又encore而啲韮菜配埋佢一絕嘅辣粉...啖啖韮菜香...一流呀仲要我地一行6條友...幾乎成張order紙嘅串燒都嗌哂嚟食...仲一人一支野飲...埋單都係總共497蚊咋...抵食到飛起...我已經做過幾次回頭客...絕對會再嚟幫襯..PS.老闆娘態度好似好咗...無咁火爆無咩點鬧人喇啵