緣聚西日餐廳 (仁愛堂圍) (Closed)

今日我媽咪好想食壽司，我老婆又鍾意放題所以我哋去咗一間喺屯門叫做原罪嘅壽司放題店聽聞啲品質好好同價錢好合理所以我哋決定去。地方非常闊落，好多張卡位，食放題可以把好多野。食放題嘅傳統梗係食魚生先啦，當中包括有吞拿魚，三文魚，帶子，象拔蚌，希靈魚八爪魚。當中我覺得三文魚最好食，好肥美，好新鮮，好有口感，襯埋Wasabi非常配合。好少地方有燒和牛係放題，今次終於可以試吓，好重牛肉味，油脂分布都好高，燒到外邊小小燶燶地，入口非常之味。小朋友最愛嘅蟹柳壽司，大大件夾抵食。魚籽手卷係我老婆嘅至愛，入口好友魚香味，爆炸在口中，唔會好腥，配合埋暖暖嘅飯一齊食，冇得輸。雜錦天婦羅當中包括有：蝦，茄子，南瓜，最好食係蝦，有蝦味，薄嘅粉漿唔會太厚。其次系南瓜，好乾身，南瓜本身又非常新鮮。所有飲品，雪條，甜品都係任食。