上海弄堂菜肉餛飩 (電氣道)

Open Now

Now Closed

今日阿媽扭計食上海野，就一於做下孝順仔女，同佢食返餐好！之前都食過上海弄堂但未帶過媽媽去食，所以就睇下媽媽滿唔滿意！今次去的係天后分店，店子比較骨緻但應有的都有！店面的招牌低調得來都幾有型格！用落地玻璃都顯得空間感大些！採光又好！餐牌選擇都不少！茶杯上的公雞好得意！小籠包價錢好平！以性價比來說都算抵食，皮比較厚！我係無飯不歡的人，無飯真係好似無食過野咁架！不過個菜飯真係做得不錯，不油不乾！好好食！個紅燒肉好入味但又唔韌！正！仲要有好多我好鍾意食的百頁，正！呢個西洋菜水餃不得了！個皮好好食，唔厚但又唔會太薄，做到煙韌的口感！水餃多數都係做白菜呀個啲大路野，但西洋菜就少見！一咬開勁多餡，菜肉平均！最重要係控制到唔會出水！呢一餐連媽媽都讚好！下次阿媽扭計要食上海野就識黎喇！