麵匠風龍

Open Now

Now Closed

收工做完運動特別餓，想死d飽肚野，諗起朋友推介過上年新開ge麵匠風龍，即刻衝去試試。平日夜晚9點去到唔洗等位，吧檯底有勾仔，掛好個袋後叫返碗蝦味噌拉麵先。格局同其他拉麵店差唔多，坐吧檯可以一覽廚房運作，望到大大個壓力煲，我估湯底唔會差得去邊。等左一、兩個字就有得食，飲啖湯先，蝦味夠濃，鹹味剛剛好，唔油膩，幼麵有咬口唔會煮得太淋，兩塊分開上ge叉燒一肥一瘦，較厚身，帶焦香。另外亦試左辣芽菜，辣得過癮又開胃。最後飲晒碗湯，唔口渴，有料到！