一休(居食屋)日本料理 (38廣場)

Open Now

Now Closed

今日放工同朋友嚟咗食日本嘢，落大雨期間真係啱晒！首先，一定要嗌我哋都最鍾意食嘅刺身拼盤啦！我哋揀咗個「竹」刺身拼盤！入邊都好豐富㗎！有三文魚腩、吞拿魚、油甘魚、鱆紅魚、甜蝦。足足五款刺身呀！雖然冇海膽，但係都夠豐富，一次過試到五款刺身，好滿足。而且刺身拼盤擺盤非常之優美，見到都胃口大增！跟住嗌啲熟食，我哋要咗一個雙龍卷。我哋叫呢個係因為一款就會有晒兩種唔同口味嘅壽司，可以試到唔同嘅味道。所用嘅材料非常之豐富，有：龍蝦沙律，熟吞拿魚沙律，青瓜絲，深海大赤蝦，牛油果，芒果，飛魚子，各有特色，而且大赤蝦炸起上嚟非常之香口又新鮮！之後嗌多杯凍京都抹茶鮮奶，可以解下熱氣而且又算清新之選。今晚係落住大雨準備打風嘅夜晚之下，可以喺店舖好好享受一餐日本嘢真係好開心，風雨中得到滿足。