薄荷葉泰國菜

Open Now

Now Closed

今日同位老死去左薄荷葉食泰國菜，之前聽到其他人話呢間野好唔錯，所以就想去試下。無諗過元朗會有間咁既格局既泰國菜，雖然地方細左D，但係氣氛好好，有種去左Club既感覺。另外佢唔洗等位就有得入去座啦！佢有室外同埋室內既座位，想吸煙既人可以座係出面，但係我因為唔鍾意聞煙，所以今次就座入面啲位。同位老死食左唔少野，其中最記得既係鮮蝦刺身。雖然有個汁係度，但係唔會將蝦既鮮味遮住左，反而更加突出鮮甜味！至於其他食物只係普普通通無乜野特別。例如個泰式豬脾仔個汁好似濃過頭，個春卷個味唔係好夠，仲有啲甜品份量比較少左啲啲，因為我同位老死係好鍾意食點品既！元朗比較少有呢一種高檔既舖頭，雖然價錢貴左少少，但係食物都有一定質數。