味道樂居酒屋 (河內道) (Closed)

同朋友去食日本菜，見鋪頭以深色木系為主，感覺充滿日本居酒屋嘅風味。幸福海膽小卷最上層係我最愛嘅海膽，中層就係香蔥吞拿魚腩蓉，鋪係紫菜卷上面，海膽鮮甜，一啖一口，同佢嘅名一樣好幸福啊。黑松露帶子刺身沙律配柚子醬賣相相當吸引，有成6片帶子，帶子鮮甜飽滿，仲有勁大pat嘅黑松露真係perfect 😍😍，柚子醬沙律酸酸甜甜好開胃。明太子醬燒玉子串明太子醬嘅量完全唔吝嗇，鋪滿哂燒玉子燒上面，明太子嘅鹹香味好惹味。牛肉壽喜燒Lee個壽喜燒熱鍋，有5-6片大大塊牛肉同生雞蛋，湯底味道剛好，不會過咸，而且好足料，有洋蔥、黃牙白、粉絲、豆腐等，吸哂湯底好入味。鹽燒厚切特上牛舌牛舌燒得剛好，食落幾爽口，又惹味。