強記大排檔

Open Now

Now Closed

原本想話揸電單車落愛文新，經過強記，見到大把位泊車，又在吉枱，即刻轉場落強記.當年日日中午落深水埗搵布搵皮搵成衣物料買拉鍊，有時間的話，會落強記食個麵，抖一抖，依家深水埗布行物料店執咗唔少，開咗唔少餐廳，變哂嚕！點咗三款小菜，黑椒牛仔骨，煎釀三寶同蒜蓉蒜鮮魷.黑椒牛仔骨：失望，煮得過火，搞到牛肉入口太老，另外，油過多！太肥膩！煎釀三寶：三寶用茄子，青椒，辣椒，嘩！辣椒勁辣呀！~~>_<~~ 另外都係過份多油！蒜蓉蒸鮮魷：超讚，蒜蓉足夠，再加上火喉掌握得準，鮮魷蒸得啱啱好唔會老，推介！