群記清湯腩 (Closed)

有人話去群記食爽腩會「頸渴死」。唔知點解, 每次必定叫淨爽腩(份量至少比配粉麵多一倍)、連湯都飲埋的我, 目前仲未頸渴死。又或者, 有一日真係咁樣死, 我都覺得好值得。朋友說湯好像鹹了點, 我同意, 但畢竟群記不是一間罐頭工廠, 味道濃淡沒有可能次次一模一樣, 但選靚料卻是可以控制得到--------- 今次的淨爽腩依然是高水準, 湯依然係飲到一滴都冇淨, 我依然仲未「頸渴死」。四十八元你可以話「好唔抵食」, 咁去7-11買盒飯叮熱只係十幾蚊, 好抵食喎, 不過唔好預我。