Video
Read full review
2010-05-19
10 views
大家好, 本人第一次以會員身份寫食評. 之前以非會員都寫過幾篇.睇"揾食男女"見到浦和不限時段$168任食, 仲有張任飲券, 很是吸引.上openrice睇食評. 好壞參半, 但抱住一試無妨心態, 二個人去食一食.我本身好怕限時,限制二小時, 1.5 小時食完叫人走那般餐廳. 一定唔去的. 因以前遇過不快經驗.今晚, 晚上六時正入坐, 無乜人喎, 每張枱上面已經一早放好唔凍"祼肉"同"海草"各一小碟, 行貨野但都好味. 一坐下就有野食幾好. 有人埋黎教我地寫野食.我比張任飲券佢, 叫了橙汁蜜和檸檬柚子蜜,後者十分好飲, 推介.waiter 話不如比個刺身我地食住先(我一早睇咗openrice, 人地講過未寫單已經有野食住先)哇,有冰塊响底部, 個刺身我唔記得影相呀掛住食食食. 二個人一大碟喎.唔講得少. 有北寄貝、象拔pon、三文魚、 八爪魚、希霊魚、咩馬刀貝好爽口好食(希望無攪錯呢隻貝類叫馬刀貝啦). 仲有幾樣唔記得咩野魚喇.入得去一心唸住食魚生嘅人, 應該鐘意食.乜野食品都未上枱時我就填寫刺身, 只係要左5款各三件, 但都食唔哂,又唔係食完野食填, 係一大早已經叫好, 一碟咋(見圖
睇"揾食男女"見到浦和不限時段$168任食, 仲有張任飲券, 很是吸引.
上openrice睇食評. 好壞參半, 但抱住一試無妨心態, 二個人去食一食.
我本身好怕限時,限制二小時, 1.5 小時食完叫人走那般餐廳. 一定唔去的. 因以前遇過不快經驗.
今晚, 晚上六時正入坐, 無乜人喎, 每張枱上面已經一早放好唔凍"祼肉"同"海草"各一小碟,
行貨野但都好味. 一坐下就有野食幾好. 有人埋黎教我地寫野食.
我比張任飲券佢, 叫了橙汁蜜和檸檬柚子蜜,後者十分好飲, 推介.
waiter 話不如比個刺身我地食住先(我一早睇咗openrice, 人地講過未寫單已經有野食住先)
哇,有冰塊响底部, 個刺身我唔記得影相呀掛住食食食. 二個人一大碟喎.唔講得少.
有北寄貝、象拔pon、三文魚、 八爪魚、希霊魚、咩馬刀貝好爽口好食(希望無攪錯呢隻貝類叫馬刀貝啦). 仲有幾樣唔記得咩野魚喇.
入得去一心唸住食魚生嘅人, 應該鐘意食.
乜野食品都未上枱時我就填寫刺身, 只係要左5款各三件, 但都食唔哂,
又唔係食完野食填, 係一大早已經叫好, 一碟咋(見圖)放咗响枱一晚, 但都食唔哂.
其實佢間野d刺身都幾捨得比人食, 但就係可能因為咁, 我食左45分鐘已經肚子飽眼光光,
d 魚肥美好"製".
講下部份熟食品啦, 食咁多野唔係樣樣記得哂. 其實上菜真係好快. 可能是我們早去食,
六時正就坐低, 人少叫野食, 乜都上得快d.
一大碟天婦羅, 海老天婦羅等都係即炸, 蝦幾大隻幾好食. ok.
煩立貝串燒, 煩立貝比較細粒, 但佢串埋車厘茄一起燒, 車厘茄很好味喎! ok.
清酒煮蜆. 勁唔掂. 咬唔開, 仲有沙, 係一粒!係一粒!都食唔到. total lost.
雞串應該ok 的, 老公食左幾串, 我無食.
各式各樣手卷, 叫了三款例如軟腳蟹手卷幾靚,三文魚子過多tim.
烏冬! 好好喎, 要試.
咖哩飯, 唔得囉, 油油油, 唔想講.
芝士焗蠔, 千萬不要叫, 哂氣, 吐出來浪費了二隻.
鯖魚, 好大塊, 二個人食先食得哂. 熱食時幾好食喎又唔腥, 但一定要襯熱快d食咗佢, 我放凍再食就腥喇, 唔食得.
查實仲有好多野食, 但款多肚子細啊, 都無叫黎食.
佢間野的熱門野有樣叫~~ ~和牛串 ! 但佢話無呀! 一心想食牛的老公有點失望.
講吓環境, 周圍都有電視, 幾好. 光暗ok, 全部都係半卡位, 港人至愛卡位.
洗手間, 正如其他openrice評語, 肥、濕、滑. 只係可能地板問題囉.
但唔係話污穢喎,佢係清潔的光光的靚洗手間, 女廁有三格.
但話清潔但又有一點不清潔就是我入的那1格, 竟然......地下有一口啖
我地慢慢食,坐咗二個半小時埋單走人.
走前叫多柸可樂飲, 可以飲beer 架但無叫. 仲叫人拿雪糕來, 一人一球.
但八時左右見到人多了. 有一張枱一對男女, 眼光光, 東張西望, 男的只飲野,
二人沒東西吃好悶, 佢地等等吓都無野食埋單走人喎 oh!
其實食呢d日本放題, d 野食黎得快唔快, 有否漏單, 都係睇彩數, 人多唔多, 入座時間.
好似我地呢次嘅經歷, 就幾愉快. 長時間都係一枱野食唔切.
希望下次都係咁就好喇. 下次會同埋多d家人去食.
Post
