✨手工墨魚餅
真係啖啖墨魚，咬落彈牙帶汁，煎得金黃唔會過火，可以點上泰式辣醬，更惹味
✨金菇沙茶牛肉煲
沙茶味道超級香口又濃郁，原煲而上好夠熱辣辣。牛肉好軟淋份量都唔少，金菇亦都預先搣開一絲絲。
✨古法蒸斑頭腩
斑頭腩咬落啖啖魚肉，帶點魚脂嘅油香，用上古法果皮去蒸好清香。
✨蝦乾粉絲蒸勝瓜
勝瓜拎去蒸真係保留住鮮甜嘅水份，底部嘅粉絲亦帶蔬菜嘅清甜。蝦乾同蒜蓉為菜式添上鹹香度。
✨陳皮鴨屎香檸檬茶•西柚冰涼特調
鴨屎香檸檬茶好清香，見到檸檬肉已經四濺係杯邊，做到真正嘅爆打效果。西柚特調就帶多份清爽，飲落唔會太甜。
⭐️餐廳雖然係行大排檔嘅菜式，但係成個佈置都好新穎，而且好舒適好有空間感！！！入到去完全有耳目一新嘅感覺， 7:30後仲有live band (*¯︶¯*)準備成為我嘅飯堂
2
55
