Video
Read full review
2021-07-25
599 views
今日的午餐想食得簡單啲，但係又唔想啲餸太過車仔，揀咗搵deleveroo送咗兩碗湯粉嚟：首先發現兩碗湯河粉啲河粉係越南河粉，即係唔會好油嗰啲，份量夠大。然後發現兩個湯河粉雖然一個係雞、一個係牛，但係湯底居然一樣味道的！我阿爸今年86歲，佢覺得牛好蘇，所以唔食牛，但係奇就奇在佢飲到個湯噃！個湯飲落去又唔會覺得好牛或者好雞，當然有啲滷水味！其實都唔知究竟係唔係啲牛骨加咗滷水湯包去煲之後就會冇晒蘇味，所以阿爸飲得，還是係呢啲唔係牛湯呢！不過個湯都算好味㗎！1. 順化牛肉湯河粉$98 - 好多餸，冇專登去數，但係最少都有三塊牛展、兩至三塊粗片連皮的豬腩片（但係偏瘦），仲有啲瘦嘅肥牛火鍋片，整得好好食吓！不過當然咁粗嘅豬腩片就會鞋好啲！味道就好！2. 越式雞絲湯河粉$96 - 呢個阿爸話啲雞絲好有雞嘅鮮香味，佢平時最鍾意食泰安雞整白切雞，每隻都要$270左右，但係佢讚呢啲雞絲好味。另外有很多越南香草，例如有生的洋蔥絲、金不換、越南芫荽又名鹅帝、有肥仔芽菜仔、等等，還有每人半個青檸檬唧啲汁落去個湯度個湯會清新，仲有越南青綠色嗰隻燈籠辣椒仔和指天椒仔切圈，總之配料好正宗！個包裝都非常之精美，啲湯嚟到
首先發現兩碗湯河粉啲河粉係越南河粉，即係唔會好油嗰啲，份量夠大。
然後發現兩個湯河粉雖然一個係雞、一個係牛，但係湯底居然一樣味道的！我阿爸今年86歲，佢覺得牛好蘇，所以唔食牛，但係奇就奇在佢飲到個湯噃！個湯飲落去又唔會覺得好牛或者好雞，當然有啲滷水味！其實都唔知究竟係唔係啲牛骨加咗滷水湯包去煲之後就會冇晒蘇味，所以阿爸飲得，還是係呢啲唔係牛湯呢！不過個湯都算好味㗎！
1. 順化牛肉湯河粉$98 - 好多餸，冇專登去數，但係最少都有三塊牛展、兩至三塊粗片連皮的豬腩片（但係偏瘦），仲有啲瘦嘅肥牛火鍋片，整得好好食吓！不過當然咁粗嘅豬腩片就會鞋好啲！味道就好！
2. 越式雞絲湯河粉$96 - 呢個阿爸話啲雞絲好有雞嘅鮮香味，佢平時最鍾意食泰安雞整白切雞，每隻都要$270左右，但係佢讚呢啲雞絲好味。
另外有很多越南香草，例如有生的洋蔥絲、金不換、越南芫荽又名鹅帝、有肥仔芽菜仔、等等，還有每人半個青檸檬唧啲汁落去個湯度個湯會清新，仲有越南青綠色嗰隻燈籠辣椒仔和指天椒仔切圈，總之配料好正宗！
個包裝都非常之精美，啲湯嚟到仲可以維持好熱好耐。湯和河粉是分開裝的，所以啲河粉唔會浸到太稔！首先要將熱湯倒入啲河粉度，然後用筷子撩散，再將碟餸倒上面，然之後加入芽菜仔及香菜等等。
兩碗湯河粉加埋$196，即是平均消費每人$98。
越式雞絲湯河粉
$96
21 views
0 likes
0 comments
順化牛肉湯河粉
$98
23 views
0 likes
0 comments
Post
