狸小路北海道涮涮鍋、壽喜燒、和牛專門店

Open Now

Now Closed

呢間日式涮涮鍋店真係唔錯，如果叫壽喜燒，店員會比個壽喜燒教學你睇，服務幾貼心，但又唔會成日過嚟打搞，可以慢慢歎🥩頂級西冷A5 壽喜燒🍲頂級西冷A5 190g🍖塊和牛嘅油花靚到！輕輕煮一煮就已經好香，入口即溶，肉味夠晒濃。配嘅蔬菜新鮮爽脆，正好可以balance返啲油膩感。另外，套餐我揀咗烏冬，如果唔中意烏冬可以轉做飯都得✌🏻霜降A4 (另外加50g)❄️肉味比頂級西冷濃，啲雪花紋理一樣冇得頂。五成熟就啱啱好，一入口啲油脂香即刻爆出嚟，食幾啖就夠晒滿足😌整體嚟講，呢度嘅和牛質素真係唔錯，價錢都合理，最後仲會有個小甜品送。下次一定會再嚟試吓其他套餐！