鼎記 (Closed)

秋風起，放工去旺角行街，忽然想食煲仔飯，路過見到裝修新淨又光猛既<鼎記>，望下門口餐牌，見到餐廳有提供燒味飯、車仔麵、乳鴿、煲仔飯、二人套餐等，全部都係抵食價位，便進店一試。<脆皮燒腩仔>先來脆皮燒腩仔，燒腩仔用上高質嘅豬腩肉，一層肥一層瘦，咬落去脂肪瘦肉比例均勻，而且個皮係極脆，屬高水準之作。<天下第一鴿 $69>紅燒乳鴿燒得非常香口，鴿皮烤得微脆而薄，以乳鴿這個size來講，咬落去都吾少肉，味道亦非常惹味好食。<鹹魚肉餅煲仔飯 $68>時令煲仔飯，今次我哋揀咗鹹魚肉餅煲仔飯，煲仔飯一上枱熱辣辣，想吃多點飯焦的朋友，建議可以將煲仔飯的飯煲蓋，蓋上一陣，焗多一下，飯焦會更多更好味。打開煲蓋，詁唔到餐廳提供嘅鹹魚都吾細件，而且充滿鹹香，令到鋪喺飯面嘅肉餅更加惹味好食，以$68呢個價格來講，真心抵食又好食。另外我仲叫左杯凍奶茶，夠大杯夠濃滑，抵飲吖!!~整體來講，餐廳乾淨企理整齊，下單快，上菜快，好有效率。食物質素亦唔錯，而且價錢非常抵食，下次有機會一定要再來啦!！～