Video
Read full review
2025-08-04
301 views
👍 和牛棒 (配松露一口飯) $58和牛牛肉碎整成嘅棒肉，經過烤製，鮮甜美味，一大碗飯上面仲配有松露同埋一隻無菌雞蛋，撈埋一齊食好正。👍 蟹肉芝士最中餅 $48一份有兩個盒餅，內裡饟滿鮮蟹肉碎，混上芝士醬汁，令嗰餅仔更好食。👍 焦糖鰻魚芝士玉子燒 $38 X2鰻魚卷玉子面頭啲焦糖脆卜卜甜蜜蜜，玉子嫩滑，裏面饟有一卷鰻魚肉，整份大大件，幾抵食。👍 麻辣墨魚酥 $22 比較辣味，一串細細粒4小粒，最適宜用嚟餸酒。👍 札幌赤鯛一夜干 $38 X2一串有一大嚿 鯛魚魚腩， 因為已經浸咗一夜嘅鹹水， 所以魚肉本身已經有少少鹹味，燒起一串淡淡肉，好食😋👍 鹽燒馬友 $128 呢條魚係呢餐價錢最高嘅，因為燒烤每串都係幾十蚊，但呢條燒馬友 應該好值得點，因為都相當大條，冇一斤都有八兩，燒得魚皮香脆，魚肉更係鮮嫰多汁， 雖然跟餐提供咗 黃豆醬 同辣椒油， 但係啲魚肉夠鮮甜，根本唔使蘸任何嘢都好好食😁👍 鹽燒白鱔 $24 X2白鱔大件，咬落爽口彈牙，因為係鹽燒，有香濃鹹香味同鱔魚鮮味。👍 鹽燒豚肉荔枝卷 $22 一串3粒，用肥豬肉包住 一粒荔枝，外面有油香嘅豬肉味裏面就係甜
和牛牛肉碎整成嘅棒肉，經過烤製，鮮甜美味，一大碗飯上面仲配有松露同埋一隻無菌雞蛋，撈埋一齊食好正。
👍 蟹肉芝士最中餅 $48
一份有兩個盒餅，內裡饟滿鮮蟹肉碎，混上芝士醬汁，令嗰餅仔更好食。
👍 焦糖鰻魚芝士玉子燒 $38 X2
鰻魚卷玉子面頭啲焦糖脆卜卜甜蜜蜜，玉子嫩滑，裏面饟有一卷鰻魚肉，整份大大件，幾抵食。
👍 麻辣墨魚酥 $22
比較辣味，一串細細粒4小粒，最適宜用嚟餸酒。
👍 札幌赤鯛一夜干 $38 X2
一串有一大嚿 鯛魚魚腩， 因為已經浸咗一夜嘅鹹水， 所以魚肉本身已經有少少鹹味，燒起一串淡淡肉，好食😋
👍 鹽燒馬友 $128
呢條魚係呢餐價錢最高嘅，因為燒烤每串都係幾十蚊，但呢條燒馬友 應該好值得點，因為都相當大條，冇一斤都有八兩，燒得魚皮香脆，魚肉更係鮮嫰多汁， 雖然跟餐提供咗 黃豆醬 同辣椒油， 但係啲魚肉夠鮮甜，根本唔使蘸任何嘢都好好食😁
👍 鹽燒白鱔 $24 X2
白鱔大件，咬落爽口彈牙，因為係鹽燒，有香濃鹹香味同鱔魚鮮味。
👍 鹽燒豚肉荔枝卷 $22
一串3粒，用肥豬肉包住 一粒荔枝，外面有油香嘅豬肉味裏面就係甜甜糯糯，原來燒肥肉同荔枝味道係十分夾嘅。
👍 七味汁燒 豬大腸 $24
豬大腸燒得好惹味，但係比較乾身，表面撒咗啲七味粉一齊燒，又係用嚟送走酒一流。
👍 鹽燒A4宮崎和牛 $58
呢件和牛肉應該係頂級嘅，肉質地好靚，將雪花牛肉燒熱，入口即溶，可惜一串唔係好夠喉，如果下次嚟應該要多幾串。
👍 鹽燒和牛牛小排 $48
三段牛小排，用香蔥間住成一串，香噴噴熱辣辣，牛小排牛味都相當濃，佢嘅油脂程度其實都比得上上面嘅宮崎和牛，都係燒牛肉控嘅至愛。
👍 汁燒鮮雞肝 $28
一串有幾粒鮮雞肝，上面有滿滿嘅燒汁，雞肝整得乾淨一啲腥味都冇，口感軟糯惹味
👍 鹽燒原塊雞皮 $22 X2
串起一大塊雞皮，薄薄一片，咬落脆卜卜，好有鹹香味，十分邪惡。 可能呢個因為係即場即點即燒，薄薄地一片最快燒香，幾分鐘就可以上枱。
※ 以上X2 表示試過後覺得太好味→加單多來一份
即打芒果乳酸 $28
青檸菠蘿梳打 $32
↑好多燒烤店都係借飲品來賺錢的，但這家【燒烤堂】飲品價錢合理，兩杯凍飲都大大杯，味道仲唔錯😊
味道：8/10
性價比：7/10
Post
