Video
Read full review
2009-07-19
33 views
,雖然住響附近,行過去只係五分鐘,但係次次甘多人心唸真係甘得......時籍就黎亞姨生日,佢話聽聞呢一間好好食,所以大伙十個人就尋日早d落去等(之前特登響openrice做過功課話要等幾耐幾耐...)尋日係星期六,最後我地去到係5:25,已經係寫到第3張紙既中間(我無記錯既話~),重點係:持續都係甘多人嘍~~~不過我覺得都算快啦,有位就係甘退出黎~我地最後拎到位都四十五分鐘後@_@...由於佢個排隊方式一早經過已經知好白痴,所以一寫完就企到門邊”及”到實...(但係我覺得佢做咩唔請多個人埋單同睇門口,成日都兩個waitress響度咪仲晒d人力...)因為十個人,食左好多野~一共三十三個碟(有重覆既項目)....@_@北海甜蝦沙律$28-我覺得好好味,蝦係好新鮮,都真係幾多,佢個沙律汁都幾好味~蒜蓉焗田螺$20x2-熱既~佢地有人話覺得咸左小小,我地有d就ok啦~甘要睇個人啦~辣味雞翼$20x3-一碟五只我亞姨話好好食,有小小辣同惹味,我覺得fine~尼哥狄索比亞墨魚汁意大利粉$26-佢d意粉幾個都麵質偏有d硬,後生會覺得彈牙,亞媽級會覺得硬左小小,個汁都幾好味,但我覺得呢個幾快凍~照燒
尋日係星期六,最後我地去到係5:25,已經係寫到第3張紙既中間(我無記錯既話~),重點係:持續都係甘多人嘍~~~不過我覺得都算快啦,有位就係甘退出黎~我地最後拎到位都四十五分鐘後@_@...由於佢個排隊方式一早經過已經知好白痴,所以一寫完就企到門邊”及”到實...(但係我覺得佢做咩唔請多個人埋單同睇門口,成日都兩個waitress響度咪仲晒d人力...)
因為十個人,食左好多野~一共三十三個碟(有重覆既項目)....@_@
北海甜蝦沙律$28-我覺得好好味,蝦係好新鮮,都真係幾多,佢個沙律汁都幾好味~
蒜蓉焗田螺$20x2-熱既~佢地有人話覺得咸左小小,我地有d就ok啦~甘要睇個人啦~
辣味雞翼$20x3-一碟五只我亞姨話好好食,有小小辣同惹味,我覺得fine~
尼哥狄索比亞墨魚汁意大利粉$26-佢d意粉幾個都麵質偏有d硬,後生會覺得彈牙,亞媽級會覺得硬左小小,個汁都幾好味,但我覺得呢個幾快凍~
照燒豚肉沙律$25-fine,即係沙律加薄豬肉
蒜蓉焗青口$22x2-熱,ok
香辣腸$20-一碟五條腸+四個著皇.個腸又係有少少辣,因為有細黑椒粒,都係熱既,佢地話都幾好食~
三文魚$25x2-差d走單呀~~~好耐都未黎~好抵,好大碟只係25蚊,食日本舖都可以仲貴,而且又好食,想再叫多兩碟時佢話已經賣晒.....
田園雜菌比薩(9”)$28-比薩都係熱既,個底好鬆軟,芝士都幾多~
牛肉漢寶比薩(9”)$30-同上
甜蝦多利亞焗飯$22x2-佢既飯都係好熱既,呢個飯我覺得比另個雞肉飯好食,佢既飯芝士同奶都比較重,所以響好熱既情況下係好好食,注意:唔鍾意食芝士同奶既人最好就唔好食啦~不過我地全部人都食,除左膽固醇高既人食少d之外...
田園沙律$19-fine,都係個沙律汁唔錯~
健康海藻沙律$23-佢果d海藻同海帶都ok,d海藻好似蜈蚣甘好得意~
卡邦拿那意大利粉$25-即係煙肉意粉
雞肉多利亞焗飯$24-ok,但無甜蝦多利亞焗飯甘好食我覺得,但都係果句,熱架~~~
吞拿魚辣汁意粉$26-甘多樣黎講呢樣最唔得,因為一食落去個吞拿魚好腥,其實係人都知佢係罐頭吞拿魚...但可唔可以換個無甘腥既黎做呀...不過我亞媽話我地可能已經開始食到飽飽地所以特別覺得好腥...但佢用茄汁整,我細佬話原因應該係想掩蓋過個腥味....
意大利提拉米蘇$15-食左好少=.=好似cream cake甘...
芝士蛋糕$15-唔知係食甜品食到亂左定食得好飽啦已經,不過我問過我舅父佢都覺得:偏咸,我只係食到咸味...
芒果蛋糕$15-普通...有dd芒果既香料味~
雞蛋布丁$15x2-質地較硬,面頭係d焦糖醬,似大菜蛋丁,無咩蛋味...
牛奶雪糕咖啡啫喱$15-佢所有既雪糕都好容易融...我亞姨話覺得牛奶雪糕係雲尼拿雪糕...(需知雲尼拿雪糕應該同牛奶味唔係同一樣野喎...)佢話咖啡啫喱唔夠苦...最後佢有d失望...
士多啤莉雪糕$10-幾個甜品呢個最好味,個味清d,都香d
綠茶雪糕$10-我唔鍾意食綠茶...不作回應....
即製面包三個(有三種,每種一個)$10x3:好熱,好新鮮既,所以無咩料都覺得好好味~
食野好味當然重要,但最緊要新鮮,味精唔好重(以甘既情況都只係飲左兩杯汽水返到屋企都無狂飲水都ok丫~),另外佢唔使加一同價錢都好抵(雖知將軍澳d舖頭真係好貴d野~)
每個人比左十三蚊去drink bar任飲,問番大家每人平均大約計埋每人都飲左兩杯汽水~
睇番餐牌,我見到佢有d細餐都好抵呀,一個白飯一個細沙律一個湯都係21...
最後食得太開心,大約食左兩個鐘,八點半走嘍~~~食到好飽,好似食左一個好抵既自助餐甘~
落左五次單,十個人一共785元,無加一~
Post
