Video
Read full review
2019-12-29
85 views
呢一間位於大角咀嘅《LOST STARS LIVEHOUSE BAR & EATERY》 非常之適合紅酷愛音樂嘅朋友， 皆因呢度除咗有高質素嘅西餐之外， 每晚仲會有非常高質素嘅Live music。以音樂伴隨著美食，環境相當有氣氛。餐廳嘅裝修以時尚為主， 餐廳外嘅玻璃以舞台上嘅布幕遮擋， 只有到入場時間才能窺探到裏面嘅情況， 甚有神秘感。今晚有幸坐在舞台前的一角， 近距離欣賞表演者精彩的演出。 今晚嘅演出嘉賓係Lydia Pau， 除咗人靚之外， 唱歌嘅聲音亦非常甜美。晚餐提供咗Dinner set，$458 per person， 有齊六個course，由前菜、主菜、到甜品都有齊， 性價比相當之高。前菜之一有《時令生蠔》， 當晚就有來自法國和美國的兩款生蠔，夠晒新鮮。 蠔肉爽甜， 海水味足， 亦唔會太鹹， aftertaste回甘十足。另一款前菜 《意大利布袋芝士雜錦鮮蔬沙律， 配墨西哥餅》， 意大利布袋芝士嘅奶味相當香濃， 食落非常creamy， 有如雪糕嘅滑膩口感。 配埋非常新鮮爽脆嘅沙律菜， 感覺清新健康。小食方面點咗呢度嘅招牌菜式《 法式熱熔蜂蜜芝士配法式麵包》。 芝士用熱辣
餐廳嘅裝修以時尚為主， 餐廳外嘅玻璃以舞台上嘅布幕遮擋， 只有到入場時間才能窺探到裏面嘅情況， 甚有神秘感。
今晚有幸坐在舞台前的一角， 近距離欣賞表演者精彩的演出。 今晚嘅演出嘉賓係Lydia Pau， 除咗人靚之外， 唱歌嘅聲音亦非常甜美。
晚餐提供咗Dinner set，$458 per person， 有齊六個course，由前菜、主菜、到甜品都有齊， 性價比相當之高。
前菜之一有《時令生蠔》， 當晚就有來自法國和美國的兩款生蠔，夠晒新鮮。 蠔肉爽甜， 海水味足， 亦唔會太鹹， aftertaste回甘十足。
另一款前菜 《意大利布袋芝士雜錦鮮蔬沙律， 配墨西哥餅》， 意大利布袋芝士嘅奶味相當香濃， 食落非常creamy， 有如雪糕嘅滑膩口感。 配埋非常新鮮爽脆嘅沙律菜， 感覺清新健康。
小食方面點咗呢度嘅招牌菜式《 法式熱熔蜂蜜芝士配法式麵包》。 芝士用熱辣辣嘅煎pan盛載著，輕易做到拉絲嘅感覺， 芝士裏面放上咗蜜糖， 食起呢除咗可以感受到芝士嘅鹹香之外， 亦可以食到蜜糖香甜嘅味道。 配埋脆卜卜嘅法包一齊食， 令人回味無窮。
主菜之一 《 牛燒汁意大利腸配貓耳朵粉》，貓耳朵意粉食得出係人手搓製而成， 食落口咁夠曬煙韌，口感十足。 牛燒汁肉味香，加入咗羅勒葉 ，食起來增添一份香氣，鮮粟米芯口感爽脆， 味道清甜， 係絕佳嘅意粉配搭。
另一道主菜《加拿大保濕豬鞍配馬鈴薯泥》， 絕對令人有驚喜， 豬鞍肉嫩多汁， 毫不鞋口， 食落juicy， 感受到豬嘅肉汁。 配合埋自家製嘅蘋果乾蔥甜辣醬， 食起來甜甜酸酸， 帶有少少辣， 非常之開胃。 酸辣嘅味道中和左豬鞍嘅油膩感， 令人一而再，再而三咁想食。
另外甜品係《朱古力軟心蛋糕》， 朱古力味香濃， 重點係唔會太甜， 為呢一餐晚飯畫上完美句號。
另外餐飲方面可以選擇手工啤酒， 啤酒花嘅苦瀝味突出， 回甘十足， 一路聽歌一路飲番杯， 令人心情相當舒暢。
Post
