Video
Read full review
2022-11-11
93 views
元朗都有高質燒肉！呢間B-mix 燒肉餐酒館地方超大，座位非常闊落，坐得舒服，仲有個大電視屏幕播放音樂MV，好有氣氛！二人燒肉套餐有齊沙律，丼飯、、先付二品、海鮮三盛合、燒肉拼盤及野菜盤，好豐富。而家做緊7折優惠$412，人均只係$200左右已經食得超飽，仲要質素都幾高，好抵食！B-Mix 沙律先來一大盤沙律打開味蕾，沙律菜新鮮爽脆，加上大量蟹子，增添爽脆嘅口感！刺身三點盛刺身拼盤有牡丹蝦、帶子同八爪魚，估唔到刺身質素唔錯，帶子厚切又鮮甜，牡丹蝦新鮮柔軟，八爪魚彈牙有咬勁。先付二品有日本大根漬及日本野生牛蒡漬。時令海鮮三盛合海鮮拼盤好有誠意，有蠔、帶子及鮑魚。海鮮全部都好新鮮，鮑魚上枱時仲係活生生！鮑魚入口軟腍，帶子超級大粒厚肉，鮮味無比，蒜蓉牛油蠔都好正，creamy之餘，鮮味都好突出。薩摩赤雞腿薩摩赤雞係日本三大名雞之一，一向係信心保證，薩摩赤雞腿肉質結實富彈性，口感嫩滑。薩摩赤雞腎口感爽口，肉味香濃！正！肉類可以選擇牛或豬，我揀咗牛就有齊安格斯牛小排、 安格斯牛粒及厚切牛舌心。牛肉用料高質，安格斯牛小排脂肪分佈平均，牛味濃郁。牛粒燒至表面焦脆，內裡嫩滑juicy。牛舌心都好正，厚
呢間B-mix 燒肉餐酒館地方超大，座位非常闊落，坐得舒服，仲有個大電視屏幕播放音樂MV，好有氣氛！
二人燒肉套餐有齊沙律，丼飯、、先付二品、海鮮三盛合、燒肉拼盤及野菜盤，好豐富。而家做緊7折優惠$412，人均只係$200左右已經食得超飽，仲要質素都幾高，好抵食！
B-Mix 沙律
先來一大盤沙律打開味蕾，沙律菜新鮮爽脆，加上大量蟹子，增添爽脆嘅口感！
刺身三點盛
刺身拼盤有牡丹蝦、帶子同八爪魚，估唔到刺身質素唔錯，帶子厚切又鮮甜，牡丹蝦新鮮柔軟，八爪魚彈牙有咬勁。
先付二品
有日本大根漬及日本野生牛蒡漬。
時令海鮮三盛合
海鮮拼盤好有誠意，有蠔、帶子及鮑魚。海鮮全部都好新鮮，鮑魚上枱時仲係活生生！鮑魚入口軟腍，帶子超級大粒厚肉，鮮味無比，蒜蓉牛油蠔都好正，creamy之餘，鮮味都好突出。
薩摩赤雞腿
薩摩赤雞係日本三大名雞之一，一向係信心保證，薩摩赤雞腿肉質結實富彈性，口感嫩滑。
薩摩赤雞腎
口感爽口，肉味香濃！正！
肉類可以選擇牛或豬，我揀咗牛就有齊安格斯牛小排、 安格斯牛粒及厚切牛舌心。
牛肉用料高質，安格斯牛小排脂肪分佈平均，牛味濃郁。牛粒燒至表面焦脆，內裡嫩滑juicy。牛舌心都好正，厚厚的，口感好彈牙！
野菜盤
有南瓜、冬菇及日本甜薯，款式都幾多！甜薯係我至愛，外脆內軟綿綿！
B-Mix 丼飯
燒肉後食返碗丼飯特別滿足！呢碗丼飯有三文魚子、紫菜、溫泉蛋，好味！
最後店員仲送咗兩粒雪米糍俾我哋做飯後甜品，好滿足嘅一餐！
Post
