📌7，8年前，韓風襲港，《Bingo & Cook》當時係銅鑼灣風靡一時，相信都無邊個年青一代唔認識。
📌近排熊妹發現《Bingo & Cook》過江龍，開左新分店過咗去九龍，熊妹當然拉埋阿豬媽去捧場喇！ 🎊
📌尖沙咀分店位於麼地道港匯廣場地下，即係K11行過少少就到。
📌餐廳有分室內同室外，室外的擺設竟然係韓國傳統路邊攤檔的大帳篷⛺️，冬天的時候係帳篷入面圍爐取暖♨️，吃著暖笠笠的部隊鍋🍲、辣炒年糕🍢，再飲杯韓國燒酒🍶，成個韓劇情景真係出哂黎。
📌室內餐廳空間感都好大下，好多張四至六人大枱甚至八人長枱，緊係喇，韓國菜包羅萬有，仲有韓燒🔥，樣樣都想試盡佢，好岩一班人黎聚聚食大餐！
21
用電子點餐的，餐牌各款韓國美食都有，真係花多眼亂，樣樣都想食！
前菜
一坐低，店員就會奉上餐前前菜。熊妹最愛韓國前菜，一小碟一小碟，食下食下開哂個胃。
醬油蟹（連飯）1隻，$270
📌阿豬媽鐘意食韓國菜，最愛就係醬油蟹🦀。
原隻醬油蟹整齊地放在碟上面，蟹腳、蟹殼、蟹膏盡現眼前，真係令人垂涎三尺。
醬油蟹係用上特製的醬油、酒、生蒜頭、紅青椒等所有生材料醃漬生蟹，新鮮的食材沒有加工，先可以食到原汁原味，成個調味唔會好鹹仲帶點甜味，而酒還可以僻除生蟹的腥味，啖啖蟹膏蟹肉食入口，簡直滋味無窮。
跟上一碗麻油紫菜飯，飯一定要食熱的🍚，而韓國傳統餐具係用銀製的，因為遇到有毒物質時銀會變色，所以用銀製筷子能讓王進餐時分辨食物是否有被下毒。而餐廳窩心地整熱左個熱銀碗，盛載著熱飯都可以保持住飯的温度🔥，然後醬油蟹膏同蟹汁撈飯，味道真係無得頂。
📌阿豬媽好感動！太耐無去過韓國🇰🇷，終於食到韓國正宗的味道。
甜辣炸雞+香腸年糕串（半份），$140
📌阿豬媽揀左佢最心愛的醬油蟹，梗係輪到熊妹揀最愛的炸雞年糕喇。
📌可能係睇韓劇睇得太多，睇親啲男女主角都
同朋友們或者OPPA係餐館食炸雞同炒辣年糕，所以就好想模仿佢哋呢種感覺💕。
掂！真係好掂！香腸年糕串係煎烤過，再淋上甜辣醬汁，煎烤過令到表面脆皮，年糕咬落去超級軟糯，脆皮香腸配埋甜辣汁又好惹味，一啖香腸一啖年糕，強烈的口感對比感覺好特別，果然係著名嘅韓國街頭小食，亦都係熊妹嘅最愛。
食過咁多次炸雞，熊妹都係覺得傳統甜辣味道最適合。韓國傳統的甜辣醬可以用來做好多菜式嘅調味，當中炸雞一定係代表作。甜辣醬汁其實味道唔係好辣係偏甜，醬汁好濃稠，沾滿炸雞表面的每一部份，炸雞🐥雖然係半份，但係份量都唔少，有五六嚿，已經有齊雞髀、雞翼、雞胸位，炸雞皮，炸到超級脆口，入面嘅雞肉仲保持到熱到又唔鞋口，甜辣醬汁惹味到真係要連埋雞皮一齊食先夠滋味，熊妹都豁咗出去啦。
海鮮煎餅， $148
嘩！超級大一塊煎餅喎！一開九件嘅大圓煎餅，入邊係用上好多大蔥、韭菜、洋蔥、紅蘿蔔絲、紅青椒同埋海鮮組成嘅煎餅，煎餅煎到金黃酥脆可口，但放涼咗都唔會有油益味。
食落口淡淡大蔥蔬菜中又食咗啲魷魚絲🦑同蝦仁粒🦐的煙韌，再點埋跟上嘅醬汁，多重醬汁嘅濕潤同滋味，呢款海鮮煎餅價錢合理，可以再試。
藥膳人參雞湯， $168
📌食咗咁多脆口油膩嘢，要點返個湯滋潤返喉嚨啦！
飲韓國湯梗係揀韓國國產人參雞湯🍲，熱辣辣的石鍋呈上，呢個石鍋真係好耐熱，食到最後啲湯都仲係暖暖地，韓國冬天天氣比較凍，天氣溫度甚至可以去到單位度數，古時代嘅人好聰明，識得用呢啲石鍋將食物保暖。
嘩！人參雞湯入邊係非常足料，超級多雞肉，仲要有雞腿骨，成隻雞係煲溶咗，連啲骨都煲到碎埋，飲嘅時候真係要小心骨碎，唔知煲咗幾耐先去到呢個效果呢？雞肉煲到好嫩滑，入口好重藥膳雞湯味，仲有糯米粒做湯底，米粒都煲到粒粒分明，材料真係好豐富，根本湯渣仲多過湯，飲落去真係好暖胃，冬天飲一定一流，可以行氣活血🩸，改善手腳冰冷🥶。
📌好飽啊！韓國美食款款都咁吸引，真係樣樣都想試吓。兩個人叫四款美食，份量咁大份，其實真係食唔晒。下次真係要叫多啲人一齊過嚟再叫多啲款式一齊食。
