Running 燒 (Closed)

今日終於可以同三五知已，試一試傳說中嘅running燒啦!地點方便容易揾，就係旺角地鐵站附近。 店舖好有韓國嘅特色，無論裝修或者擺設， 都令人覺得置身於韓國裏面。前菜當然係唔少得啦，分別有蘿蔔，芽菜， 海帶和泡菜。另外隨意點左豬頸肉，牛仔骨，豬腸， 肥牛，牛舌，五花肉。 全部都好新鮮，完全冇雪藏味。 醃製味道適中，唔會太鹹。 本人極力推介牛仔骨和豬頸肉， 牛仔骨好嫩滑同好香牛肉味， 一啲都唔un。 而豬頸肉就醃得好入味同好爽口。 食完都不停要再encore食咁多肉，沙律又點少得呢!菜和番茄都好新鮮， 再加上橄欖油和醋， 味道酸酸甜甜，好開胃。另外炸雞都有分辣同唔辣， 可以因個人口味而叫。 而呢個炸雞， 真係拍得住炸雞專門店。呢度即叫即炸， 雞肉嫩滑仲帶d juice, 炸粉整得又薄又脆， 雖然有d熱氣，但都很難抗拒。濃濃嘅芒果汁真係好鮮甜最後甜品當然唔小得， 呢個係韓國好出名嘅雪條, 裏面有粒粒既芒果肉又唔太硬， 仲有好濃嘅芒果味九點半後仲有7拆呀