韓讚 (Closed)

襯個女未有工返, 兩母女去行街買定衫返工. 行街前搵食先. 以免夜咗好難搵位. 知道渣甸街有兩座大廈好多嘢食. 就去搵搵先. 去到Aura on Pennington 附近, 有位叔叔見我地搵緊食咩! 就介紹佢手頭上的宣傳單張. 又問我地想食中西日韓邊樣. 我地最後揀咗韓國. 叔叔就帶我地去2樓(韓讚). 餐廳是新開的. 一出LIFT職員欣勤接待. 入到餐廳安排我地坐近窗邊, 非常開揚. 而且餐廳裝修用淺藍色. 非常簡潔舒服. 再望望餐牌. 好多嘢揀. 首先叫咗一壺水果茶. 好多不同水果再加紅茶包. 打開個蓋, 好香水果味. 飲落清甜. 雜錦海鮮鍋~個鍋足夠2個人食. 因為有個烏冬送. 有好多不同海鮮. 真材實料. 大鮮海蝦, 大青口, 八爪魚, 鮮魷, 細蜆, 蓄茄, 鮮冬菇, 白蘿蔔, 大蔥, 洋蔥, 大蒜. 原本個湯底係辣的. 但我個女唔太食得辣. 職員好細心咁 "筆"走辣湯, 再加上清湯. 抵讚. 剛才所提及的海鮮. 每樣都好新鮮. 大蝦肉爽. 蝦味濃. 八爪魚唔UN.鮮魷大大隻. 蜆就比較細, 冇肉. 要特別推介韓讚的雪糕. 問過職員係意大利入口的. 我地2個人試咗3款雪糕.