韓牛韓式燒烤 (Closed)

👫呢排天氣凍凍地，啱曬食韓燒😳 呢到環境寬敞，係自助式燒肉放題形式，可以揀自己鍾意嘅嘢食🤪一一一一一一一一一一一一一一#9點前晚市放題 <$208>·用餐時間75分鐘食物種類豐富，除咗有唔同肉類外，仲有熟食、刺身、壽司、沙律等等😝前菜區有韓式小菜可以食，開下胃😝最正一定係韓式泡菜同辣蘿蔔🤪刺身食咗三文魚🍣，不過味道一般🤷🏻‍♀️炸物有麥樂雞、薯條同薯餅等，不過唔係新鮮炸出嚟，所以凍曬同埋擺到硬曬😢但印尼蝦片幾好食，如果熱辣辣會更正🤘🏻.燒肉方面，有豚肉、牛肉、雞肉、雞腎、牛仔骨等等😆燒肉有醃製過，唔駛蘸醬料都夠味😚雞肉好嫩口，燒完都有肉汁😳雞翼大大隻，食落好滿足✌🏻牛仔骨燒到焦焦地好香口，而且好重牛味，值得推薦👻雞腎燒完都好爽口😻最正係燒肥牛金菇，可以自製肥牛金菇卷🤤海鮮有魚柳、多春魚、魷魚、鮮蝦、墨魚仔等等😼食完肉覺得膩，仲可以燒下蔬果類一解油膩☺️有牛油粟米、南瓜、青紅椒、鮮冬菇、菇子、洋蔥等等☝🏻飲品有多款啤酒同汽水選擇，仲有水蜜桃汁🍑同豆漿可以任飲👍🏻甜品方面，除咗櫃入面嘅杯裝甜品外，仲有中式糖水、朱古力噴泉、雀巢杯裝雪糕、雪條、軟雪糕、泰式西米露等等🤗榴槤雪條超正