韓牛牧場 (Closed)

呢排日日出銅鑼灣做嘢，晚上成日喺附近食，餐餐食大魚大肉真係肥死！呢間餐廳推出唔同時段加唔同食物種類嘅放題可以選擇，我今次選擇左「韓牛海鮮放題」試一試。基本上除咗有牛扒、醬油蝦、海鮮刺身拼盤等等，另外可以喺佢哋餐牌無限點唔同類型嘅食物，例如有一啲炸物、壽司、蔬菜、頭盤小食等等，而且佢哋出面仲有自助沙律吧，可以任拎飲品、又有每日指定生果、雪糕雪條等等嘅甜品🍮佢哋嘅生果好爽口又夠甜，我鐘意。好岩鍾意多種類型又食得多嘅朋友。