Running 燒 (Closed)

秋天係燒烤季節，lunch時間同朋友係旺角覓食見到呢間有韓燒放題而且lunch仲有7折每人平均都係$130！為滿足燒烤癮就即刻決定入去。可能岩岩開門，我地係第一枱客。同晚市唔同既係午市無供應海鮮同小食。其他肉類，主食，前菜同飲品可以任食。有自助吧可以拎調味醬料同熱既麥茶。雪櫃有好多款飲品選擇，仲有韓國直送飲品！前菜有3款:泡菜，海帶，芽菜。牛同豬都有幾多選擇，岩晒肉食者。牛肋骨，牛舌，牛柳粒同牛柳片味道醃得幾入味又唔會太咸，而且都唔會肥肉多過瘦肉，肥瘦分明。豬肉點左韓燒必叫既豬腩肉同五花腩，燒到脆卜卜再夾入新鮮生菜入面即刻肥膩感無晒。黑豬豬肉同豬梅肉都唔會有筋，肉質唔韌。雞翼切開一半放便快燒。主食點左炒年糕，水冷麵。水冷麵麵條煙韌！唔會淋，而且食完熱辣辣烤肉再食啖冰凍水冷麵即刻降温，水冷麵味道酸酸甜甜幾開胃！仲可以幫手減下肥膩感。年糕大大舊，如果可以煙韌d就完美。整體午餐性價比高，而且上菜快，店員又會定時幫手收拾。