Running 燒 (Closed)

韓燒成日俾人感覺都係有點cheap, 可能以前食得劣質韓燒多😂不過今次去到呢間感覺又唔錯喎，裝修幾有韓國feel，又似韓國咁用可以放袋的桶櫈~飲品櫃都有不少選擇，如果想飲酒可以俾錢買仲有個醬料區，有蒜、韓國豆瓣醬和辣醬，整生菜包必備👻一黎叫左啲熟食，最好食的是水冷面，佢個面質好好，帶少少嚼勁，超級減膩，encore左一碗( ´▽｀) 另外的炒年糕和炒粉絲都不錯👍🏻呢到仲有得食海鮮！係回本之選，啲海鮮仲要都幾新鮮，最最最推薦係帶子，帶子的鮮味超出，同埋我地火候控制得好，入口一點也不韌，同行友人一致認為呢個好好食！我應該食左十多顆😂到重點肉肉，呢到選擇都幾多，連羊肉都有。原本對羊肉期望不大，點知個羊西冷又幾好食喎，羊味出又不至於太騷，切得幾厚所以有咬口，呢個都有encore呀！另外我覺得好食的仲有所有豬腩肉，特別是辣味豬腩肉，食韓燒點可以唔食豬五花！這裡的豬五花厚切，個油脂同肉的分佈恰到好處，淨食可能會覺得有點膩，但配上生菜包起來食真係好正( ´▽｀)最後仲有每人一條雪條，私心推薦椰子味，好香😝