韓日燒 (Closed)

今日黎開西九龍中心行街，行到咁上下要搵食～咁岩朋友呢幾日話想食放題，見呢間韓日燒價錢又好吸引，168蚊 於是試下啦.店內環境寬敞，店員安排我地坐卡位！食物方面燒物同刺身款式好多，燒烤材料種類非常多，牛仔骨，腸仔，雞翼，五花腩等等～肉類醃得都好夠味，質素唔錯，燒烤爐面放張有油既牛油紙，燒到咁上下隨時可以自己換過張，唔洗下下要換爐面。而壽司刺身都幾新鮮，種類都好多，有三文魚，甜蝦，鮑片，都好新鮮，而且都見佢地係不斷推出，咩都有，最中意甜蝦、八爪魚等... 打邊爐配菜都好多，而且望落衛生，自己整火鍋完全無難度！另外果度有D 即食既野，EG. 炒通菜、葡TART~OVERALL 係唔錯既，平平地又舒服，下次可以再食！