Pizza Maru (Closed)

同幾位姊妹就黎去韓國, 先黎個旅行前聚會, 當然揀一間韓國餐廳一路傾行程一路食韓國野啦😂 成日喺尖沙咀竟然無發現美麗華有間韓國餐廳, 仲要係食Pizza炸雞, 正。🔸蜜糖柚子花園🔸先黎個沙律, 好清新感覺, 好鍾意個沙律汁非常開胃。🔸紫蘇炸魷魚圈🔸魷魚炸得外脆內嫩, 魷魚好淋, 配菜既韓式沙律好特別, 有點似我喺韓國食豬手時既煎菜, 配埋炸野食都幾夾。🔸蜂蜜牛油秘製炸雞(6件)🔸滿滿既芝士粉舖面, 好香既牛油味同蜂蜜, 味道非常好, 而且雞件炸得好脆但肉質保持嫩滑👍🔸帶子泡菜卡邦尼🔸Fusion菜出奇地好味, 卡邦尼中和咗泡菜既辣, 味道好特別又好味, 推介!!!🔸群蟹派對Pizza🔸黎到梗係試埋薄餅啦, 太掛住韓國既蟹喇, 就叫個蟹肉薄餅。 舖滿咗木魚絲, 蝦同蟹肉等, 醬汁有點似日式照燒醬, 好惹味。