Dodam Chicken (1亞太中心) (Closed)

平時好少食韓國菜，今次朋友想食就嚟試下啦！呢度Menu嘅選擇好多元化，除咗炸雞、烤雞、沙律、Pizza、意粉之外，仲有其他唔同嘅韓國菜，例如韓式年糕、牛排骨湯、魚片湯、泡菜餅等等…店員安排坐卡位，空間寬敞舒服而且餐廳不停播韓文歌，好有身處韓國嘅氣氛。蜂蜜牛油香蒜焗烤雞原隻烤雞嘅份量，好大碟！賣相吸引，烤雞外皮帶點焦脆，肉質嫩滑juicy，每件雞都沾上甜甜嘅蜂蜜醬汁，極為惹味，非常好食。每份烤雞都會配一碟醃蘿蔔，酸甜開胃，可以解下油膩。古岡左拉芝士薄餅Pizza好薄身，食落口好鬆脆，芝士味突出，加入蜜糖同脆卜卜嘅杏仁及冬菇片做餡料，配搭好新奇，味道甜甜哋，真係食唔停口。牛排骨湯湯香，味濃，配菜有金菇、冬菇、紅棗、大葱同粉絲。牛排骨脂肪均勻，每件都好厚身，煮到好冧好入味，味道同口感都唔錯。