泡菜前菜
韓國菜又點少得泡菜前菜呢？味道都唔錯。
三文魚飛魚籽沙律伴花生醬及香煎帶子
呢個沙律最大驚喜係個香濃花生醬，完全估唔到三文魚同飛魚籽可以同個花生醬咁夾，味道好特別，好醒胃呀！
另一個頭盤就係香煎帶子，微微嘅牛油香，唔錯，但就略嫌帶子比較細粒喇！
燒烤拼盤
原本聖誕大餐係韓牛，但咁啱店員話存貨問題，改為牛仔骨，所以想去食聖誕大餐，一定要提早訂位！好彩呢個牛仔骨都相當唔錯，牛味香濃又有口感
位於豬橫膈膜同豬肝之間嘅護心肉，因為少，所以非常矜貴，貪佢脂肪唔多，雖然厚身，但食落口好淋，仲好香肉味添；至於燒到半燶嘅豬頸肉就好香脆
而有成半隻手掌咁大嘅鮑魚就好彈牙喇。
芝士焗原隻波士頓龍蝦
大量嘅蒜蓉芝士令呢隻波士頓龍蝦更加入味鮮甜！最鍾意係佢嘅啖啖肉，真係好滿足呀！
馴鹿朱古力杯子蛋糕
馴鹿朱古力杯子蛋糕嘅制作方法雖然簡單，但個貌相就相當可愛喇。
聖誕特飲
特飲有紅桑子果醋同韓國青葡萄果醋，兩款味道唔算太甜，加上係果醋，解油膩就啱晒。
