Video
Read full review
2016-02-22
567 views
今日係母親大人既生日，上網睇到九重鮮蟹黃埔開左新分店，橫掂我地兩個都冇試過九重塔，即刻book個位黎試一試先！雖然自己好少去開呢頭，不過地點都唔難搵，就係聚寶坊附近，開住個google map，好快就已經搵到喇，燈光充足環境亦好舒服。入到去都算少人，可能係新開業同平日既關係，加上當時已經晚上大概9點，所以人唔多都好正常既。亦由於唔多客人既關係，侍應比我地自己揀位，我地揀左卡位，坐得舒服枱夠晒大方便影相嘛。枱面上有3種醬汁，雖然未有食物，但都忍唔住用筷子率先試一試係咩味道。左邊係辣醬，幾香口，不算太辣。中間係酸既汁，我自己就麻麻地喜歡呢種味。而右邊就係類似豉油/燒汁既汁料，唔太咸我都幾中意。其實應該係有分邊類型食物點邊樣醬汁既，不過我自己就成晚都點左邊同右邊個格，因為真係幾好味哈哈！每張枱都已經放置一樽大既水，方便客人自己添水，咁就唔洗怕飲晒水又要舉手叫人斟啦。咦？枱面有個漏斗仔又幾得意喎！原來係5分鐘既計時器，為保持每一層都食到最鮮味既食物，所以建議每5分鐘食完一層架！睇睇menu，望下有咩食物揀先，海鮮塔原來有三種：濟州塔、首爾塔及斧山塔。雖然濟州塔較貴，要每位$568，但食物真係豐
入到去都算少人，可能係新開業同平日既關係，加上當時已經晚上大概9點，所以人唔多都好正常既。亦由於唔多客人既關係，侍應比我地自己揀位，我地揀左卡位，坐得舒服枱夠晒大方便影相嘛。
枱面上有3種醬汁，雖然未有食物，但都忍唔住用筷子率先試一試係咩味道。左邊係辣醬，幾香口，不算太辣。中間係酸既汁，我自己就麻麻地喜歡呢種味。而右邊就係類似豉油/燒汁既汁料，唔太咸我都幾中意。其實應該係有分邊類型食物點邊樣醬汁既，不過我自己就成晚都點左邊同右邊個格，因為真係幾好味哈哈！
每張枱都已經放置一樽大既水，方便客人自己添水，咁就唔洗怕飲晒水又要舉手叫人斟啦。
咦？枱面有個漏斗仔又幾得意喎！原來係5分鐘既計時器，為保持每一層都食到最鮮味既食物，所以建議每5分鐘食完一層架！
睇睇menu，望下有咩食物揀先，海鮮塔原來有三種：濟州塔、首爾塔及斧山塔。雖然濟州塔較貴，要每位$568，但食物真係豐富d，既然一場黎到，就請母親大人食豪d啦。
二人濟州塔一共有6層加一個湯係底，湯底有些個選擇，我係有選擇困難既哈哈，所以叫店員推介，最後揀左豬手湯。塔上面有溫度計，店員話大概等15分鐘到85度就可以食架喇！
第一層其實係泡菜和牛卷，不過店員很有效率，好快已經幫我地夾好晒，所以未影得切相。不過都想講下，因為一直以黎都覺得和牛要燒或蒸先夠惹味，否則有點浪費。估唔到呢個蒸和牛都幾特別，夾左泡菜係入面吊起左和牛既香味，兩者號夾，有韓式風味，我地兩個都幾中意。第二層有翠玉瓜、菇裡、貝類海鮮等。海鮮實在太鮮甜可口，就算唔點任何醬汁，都一樣咁好味。
第三層既蝦我對佢印象極為深刻。因為蝦太容易食到係唔係新鮮，只要稍稍唔新鮮就會感到肉質係霉霉地。但呢度既蝦極之新鮮，肉質實淨，顏色鮮艷澄明，食落鮮甜至極令人回味無窮。
第四層係龍蝦，同媽媽一直以黎都比較少食硬殼既食物，因為我地好輪盡唔係好識剝唔係好識識乾淨。不過呢個龍蝦既肉出奇地易起，筷子係咁意撩一撩就有得食嚕！
第五層就到蟹同龍躉腩。蟹就好似我上面講咁，其實我唔太識食，都盡我所能撩肉出黎啦，味道不錯。龍躉腩超滑，有少少骨，不過都係大骨黎，所以唔怕。
到最後一層喇，有蕃薯粟米南瓜鮑魚等等。之前聽朋友講過呢度既蕃薯南瓜好好味，而且我不嬲都幾中意食呢類食物，所有抱有期待既心。果然，冇令我失望！因為食頭五層都用左大半小時，蕃薯南瓜蒸到好林，真係好甜好好味，激讚！
最底層既就係韓式豬手湯，其實應該話係粥先啱，因為加左米係入面。一打開已經香味四溢，再落點黑椒，好食到停唔到。不過因為真係太大煲，最後都食唔晒，証明呢個海鮮塔好足料呢！
雖然價錢唔算便宜，但性價比高。每位500幾可以食到超足料既海鮮塔，而且服務不錯，店員服務態度佳，環境又舒適，我認為係物有所值。下次一定會再黎！
Post
