啤啤Bear韓國包車 (Closed)

呢間係樓上食肆，一出𨋢已經被走廊嘅設計吸引，復古嘅霓虹燈牌配上滿滿嘅韓文，真係好有feel，平時甚少打卡嘅我忍唔住影多幾張！門口有一隻藍色bear bear拎住杯啤，應該就係呢間店嘅吉祥物，可愛！餐廳內一樣以熒火燈為主，設計似機舖，我地隔離就有一部藍球機，可惜全部都唔玩得，不過整體設計一致，好有心思。有個大型夾公仔夾以QR code自助點餐，二人落咗3份食物一杯啤酒。黑松露瀑布芝士炸醬拉麵麵底本身都有咸味，加埋黑松露醬及大量芝士醬撈埋一齊食幾惹味。唔算大份，但食落都幾飽！ 釜山燒烤 – 國民烤五花腩 見都多人推介，我地亦想試試。五花腩燒得剛好，薄身、加埋軟骨爽脆，配上辣醬、蒜片同生菜，香而不膩！$178一份嚟講，望落份量唔算好大，但五花腩片都唔少。Butter X Garlic 炸雞配脆脆薯格炸雞面嘅牛油蒜味好香，炸粉薄薄一層，炸得外皮鬆脆，而裡面嘅雞肉係十分多汁嫩滑。薯格亦都好好味，每一塊都好脆。雞份量有8件， $178性格比好高，3-4個人share都夠食！推介👍BBB刨冰啤酒 – 水蜜桃味 下面係正常啤酒味，但上面嘅刨冰就加左少少水蜜桃味，賣相打卡一流。整體食物味道唔錯，環境打