🍽️ Girls Dinner $168
呢個set真係靚到唔捨得食！太陽蛋煎到完美流心，三文魚煙熏味恰到好處，最驚喜係佢哋嘅「醜土豆」- 外表唔靚但烤到外脆內軟上面灑海鹽再加有少少蜜糖嘅香氣～牛油果蓉調味清淡健康，配合酸種多士同烤蘑菇，成個配搭清新得嚟夠飽肚。番茄仔大大粒清甜多汁，雖然份量睇落精緻，但食完成個set都真係好飽！
☕ BUTTER CREAM COLD BREW $60
奶油冷萃超驚喜！面層嘅海鹽奶油打發得綿密，飲落先嘗到淡淡鹹香，上面灑滿咗肉桂粉👨🍳然後係冷萃咖啡嘅堅果風味，最後回甘清爽。奶油慢慢融化融入咖啡，每啖都有唔同層次～
🍌BANANA BREAD LATTE $60
香蕉拿鐵創意滿分！杯上面放咗表面烘烤過嘅焦糖香蕉，奶蓋係用香蕉蓉同雲呢拿打成，甜度自然唔假滑，飲落真係有香蕉奶嘅香甜味道。成杯飲品好似食緊甜品咁幸福～係幾特別嘅一款咖啡
環境舒適，食物同咖啡都有心思，雖然價錢中上但絕對值得。見到隔離枱嘅韓國情侶叫咗甜品，睇落都好吸引，下次一定要試！
