My Ahjussi (Closed)

大角咀好嘅地方就係真係有好多小店。呢間我的大叔雖然唔近奧運站，但係都幾受歡迎㗎。我買過外賣兩次，兩次水準都唔錯，而且價錢非常合理。我最推介就係韓式便當配三件炸雞連飲品，都只係大概$70咋，真係超抵呀。便當材料有蛋，粟米，青瓜絲同蘿蔔絲，材料雖然簡單，但係味道唔錯㗎。另外炸雞可以揀唔同嘅口味，我就揀咗原味，估唔到外賣返屋企，都仲可以keep住Juicy嘅肉質。另外仲配埋三款配菜，有泡菜，醃蘿蔔，同埋番薯仔，真係好豐富呀。相比之下Pizza就比較普通啲，但都係好味嘅。