Video
Read full review
2017-11-03
3914 views
海港城近排又變大左，其實維港填極都仲有真係幾犀利，由LCX一路行到最尾就會發現有個新地帶，有無敵海景，參觀過後就入番LCX，JOOMAK好耐之前食過，記得質素不錯，值得再食JOOMAK雖然成日大排長龍，但好彩佢夠大間，流轉會比較快，餐廳最入的位置可以飽覽維港景色，雖然維港由細睇到大，但唔知點解，五光十色，就係百看不厭MENU同我好耐之前黎食的時候已經唔同晒，好似多左好多食物，而且大多數都係素食，素食人士就有福了，好少見到韓國餐廳會有咁多素食，食物種類有好多變化水果覆盆子紅醋 ($128)簡單一款飲品，餐廳都做左特別效果，店員將圓球放落去就隨即有好多煙冒出，中間插左一支香草，好有熱帶雨林感覺，飲品飲落只有好少的酸味，水果味突出，飲落都幾開胃手撕韓式牛肋骨冷麵 ($108)冷麵係期間限定食品，所以點都要試下，有兩款冷麵汁可以揀，我地揀左香草柚子汁，同樣地係充滿視覺效果的一道菜，每次都好喜歡乾冰做成的仙景效果，配菜分別有泡菜、水梨、青瓜、糖心蛋、韓式牛肋骨，韓式牛肋骨用手撕方式，一絲絲起晒肉，一濃一清新配搭好襯，先將冷麵夾到碗中，再加入冷麵汁，跟住就加埋配料，喜歡的仲可以加埋紫菜，咁就可以起
JOOMAK雖然成日大排長龍，但好彩佢夠大間，流轉會比較快，餐廳最入的位置可以飽覽維港景色，雖然維港由細睇到大，但唔知點解，五光十色，就係百看不厭
MENU同我好耐之前黎食的時候已經唔同晒，好似多左好多食物，而且大多數都係素食，素食人士就有福了，好少見到韓國餐廳會有咁多素食，食物種類有好多變化
水果覆盆子紅醋 ($128)簡單一款飲品，餐廳都做左特別效果，店員將圓球放落去就隨即有好多煙冒出，中間插左一支香草，好有熱帶雨林感覺，飲品飲落只有好少的酸味，水果味突出，飲落都幾開胃
手撕韓式牛肋骨冷麵 ($108)冷麵係期間限定食品，所以點都要試下，有兩款冷麵汁可以揀，我地揀左香草柚子汁，同樣地係充滿視覺效果的一道菜，每次都好喜歡乾冰做成的仙景效果，配菜分別有泡菜、水梨、青瓜、糖心蛋、韓式牛肋骨，韓式牛肋骨用手撕方式，一絲絲起晒肉，一濃一清新配搭好襯，先將冷麵夾到碗中，再加入冷麵汁，跟住就加埋配料，喜歡的仲可以加埋紫菜，咁就可以起動啦
健營藜麥沙律 ($128)由於我地會食炸雞，所以就叫個沙律平衡一下，藜麥作為SUPER FOOD，對人體有多種益處，配搭新鮮蔬菜，仲有牛油果同芒果，好豐富清新的一道沙律
卡邦尼年糕 ($68)呢道FUSION菜百吃不厭，本身我好鐘意食卡邦尼，呢碟年糕的醬汁芝士味夠晒濃，仲有一片片芝士一齊食，加入不少的菜苗令整件事無咁漏
青檸牛油果麻藥炸雞 ($138)呢碟炸雞實在做得非常高質素，我鐘意食炸雞但又怕熱氣，呢款炸雞正合我意，加入大量牛油果醬，頓時變得無咁熱氣，再加上青檸的清新，就算食咁多肉都唔會太漏，麻藥炸雞係韓國人氣好高，網上有好多報章都形容為一試上癮，今次一食終於感受到有幾美味
韓蔘素雞湯 - 半份 ($138)人蔘雞湯飲過好多次，但素雞湯都真係第一次飲，再一次欣賞餐廳為左素食者作出的食物安排，開頭我都擔心用素雞個湯會唔會無咁濃，但就剛剛相反，呢碗湯比我係香港之前所飲到的是最濃的一碗，原因係佢夠足料，原條粗粗的韓蔘，唔似平時飲到的貓鬚，加上大量的杞子同紅棗，整個湯充滿著蔘的甘香，仲有杞子同紅棗帶來的甜，素雞好似一個包袱咁，咬落質感都幾似雞肉，$138實在好抵食
香港咁多餐廳，香港人又特別識食，可以一直保持人氣必定有唔少原因，今次再食，終於明白點解JOOMAK開左咁耐，就算平日都依然大排長龍，食物既照顧到素食者又顧及到肉食的一群，而且每樣食物都好有質素，維港景觀，價錢又唔算好貴，我都要成為粉絲了
Post
