福岡漢堡扒 (鴻威大廈)

Open Now

Now Closed

之前去韓國旅行既時候食過，主打石燒澳洲和牛漢堡扒，覺得好玩又好食。香港都終於開左分店，可以回味一下！餐廳推出左幾款二人套餐，每款都包左味噌湯、胡麻椰菜、兩款漢堡扒、丼飯同飲品，好豐富！餐紙上面寫左漢堡扒食法，但店員都好nice 咁示範左一次點燒。首先用鏟切出適量既漢堡扒，再將漢堡扒放上熱石，用鏟同匙羹輔助每3秒壓一壓再反，大概來回4次就可以食。另一個好貼心設計係每個位都有一部抽風機對準熱石上方，可以即刻抽走燒肉時既油煙，所以食完啲衫都唔會有油煙味。兩人套餐(ver4)菠蘿煙肉和牛漢堡扒(中) / 芝士蛋蒜和牛漢堡扒(中)每款漢堡扒已經調好味，不同之處係一款蛋漿配左菠蘿同煙肉，而另一款係芝士同蒜片。漢堡扒油脂豐富，表面煎完香脆，內裏肉質juicy，配搭菠蘿，酸酸甜甜，比較清新。另一款芝士蒜片味道濃郁，蒜片香脆。芝士泡豚丼飯丼飯超大碗，一上枱就懷疑呢個究竟係咪二人餐😂 芝士用火槍輕輕燒過，攪拌既時候有拉絲效果，豚肉切得薄薄，食落唔會覺得肥膩，加上大量既泡菜，非常惹味！特飲+$18巨峰提子特飲/金橘檸檬特飲飲品好大杯，金橘檸檬酸酸甜甜，可以去油膩感。巨峰提子唔會好甜，飲落好清新。