福岡漢堡扒 (鴻威大廈) (Closed)

來自韓國的福岡漢堡扒專門店終於登陸香港啦！尖沙咀同旺角都有分店，一直都去想搵過機會去，今行過旺角就去食漢堡！座位以4 人為主，牆邊仲有啲單邊位，每張檯都有獨立小抽煙系統，唔怕成身油煙味！2人餐其實幾抵食，包2 款味嘅和牛漢堡、拌飯同飲品！芝士蛋蒜和牛漢堡同墨西哥辣椒和牛漢堡，一上就好吸引！和牛放係芝士蛋上面，煎漢堡時加落去唔同口感同味道，呢款漢堡蒜味都幾濃，慢慢滲出芝士味！最鐘意都係個墨西哥辣椒和牛，辣度就好微，同漢堡好夾，和牛夠juicy，牛味濃，份量都幾多！唔加調味都好好食！和牛乒乒乓拌飯份量就剛好，和牛肉碎撈生菜同飯，食落好似係韓國食緊拌飯，醬可因應自己口味而加！仲加咗個足料半磅薯條，仲要勁滿芝士，薯條仲可以搵出滿滿芝士！香脆而唔油膩，好滿足！必食！！飲品就要咗杯特飲，都幾大杯嘅百香果特飲味道好夏日清爽，配漢堡好勁！整體：食物嘅味道同份量都好到位，而且職員會教你點燒，完全唔怕燒焦，好玩又好食！