SUN HARU

Open Now

Now Closed

1個人係旺角揾食，行左陣，見午餐餐牌都幾抵食，於是揀左嘅呢間食個午餐先。QR code落單，都幾方便。蜆肉海帶湯蜆肉唔算多，一碗好似只有2至3隻，而且size比較細。海帶唔會太硬，味道還可以。韓國水冷麵拼糖心蛋天氣開始炎熱，揀水冷麵係諗住可以開胃啲嘅。糖心蛋唔算好流心，效果唔出色。水冷麵都頗大碗，仲有泡菜，紫菜，青瓜絲，材料都唔少㗎。材料帶來唔同口感，同冷麵一齊食，質感唔錯。如果冷麵質感可以更彈牙，我就更喜歡了。炸雞拌蜜糖芥末醬炸雞還保留肉汁，唔會乾爭爭，加埋芥末醬，都幾好食。午餐價錢唔貴，質素還好。