平時睇韓劇時都會間唔中見到啲主角去夜攤飲吓燒酒吹吓水嘅場景，本身2019年尾會去首爾旅行，但最後因為COVID-19而無去到。不過尖沙咀前排就開咗間韓國夜攤主題餐廳，入面有晒貼住韓文嘅鐵閘、包車咁，雖然喺室內，但影出嚟啲相真係好似去咗韓國打冷咁好盞鬼！不過食物方面我就覺得麻麻，味道都比較普通，性價比唔高，真係去一次見識吓就夠。
✧ 招牌炒章魚 $𝟙𝟛𝟠
一上菜嘅時候已經有啲失望，原本期望呢啲熱炒會熱㶧㶧出晒煙咁，但呢碟嘢只係暖暖地唔太熱⋯⋯😫 而且d章魚唔彈牙🐙 調味方面都無咩層次，主要只係嗰隻韓式辣醬嘅味。仲要咁細碟賣成百幾蚊，真係超級唔抵💸
✧ 卜卜脆炒豬軟骨拼拳頭飯 $𝟙𝟚𝟠
味道都係非常之普通，同辣炒章魚個味好似，只有少少分別，同樣份量唔多🍙 啲軟骨處理得唔太好，有啲直頭硬到食唔到😿 口感唔好，味道又一般，食到好無癮🤕
