呢間韓式餐廳係尖沙咀開業接近廿年，由韓國老闆主理，主打韓式燒烤🇰🇷🔥🍖及其他韓國菜式。大部份食材從韓國直送，例如有新鮮牛肉、豬肉、鰻魚等。
單單係免費🆓前菜已經有好多款，例如有白菜泡菜、醃蘿蔔、大荳芽、煎餅、麻油拌菠菜、椰菜花、薯仔，唔夠食可以叫店員再添👍。
✿ 韓牛 薄桾肉(150g) $430 🇰🇷🐮
餐牌上有多達8種部位韓牛，其中呢種係取自牛胸腹部又稱橫隔膜嘅薄桾肉。
烤製後嘅薄桾肉口感鮮嫩有嚼勁，大理石花紋豐富但唔油膩，牛肉味濃厚，質地緊實😋。
配料有南瓜、雞髀菇同埋冬菇，另外可以加配生菜及麵豉醬包肉食。
✿ 韓國寶城綠茶豬肉 2人套餐(500g) $480 🇰🇷🐷
2人套餐有韓國豬五花肉、梅頭肉、特殊部位護心肉(眼扒)/豬經肉，每款都厚切，份量充足。
豬肉使用混合韓國寶城郡產綠茶🌱嘅飼料飼養，脂肪比普通豬肉少，肉質較細嫩。
配料有南瓜、雞髀菇同埋冬菇，另外可以加配生菜及麵豉醬包肉食。
✿ 韓國西海醬油蟹(2隻) $450 🇰🇷🦀
來自韓國西海嘅生蟹，蟹膏滿瀉，肉質鮮甜有醬油香味。將紫菜飯🍙放入蟹蓋伴蟹黃一齊食，非常滋味😋。
總結🫦
餐廳嘅韓牛、韓豬高質素，烤熟後基本上無需調味，原汁原味已經夠好味👍。而餐廳裝修舒適，環境簡潔，地點方便近地鐵站。
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
三木韓國料理
地址：尖沙咀堪富利士道12-16號宏貿發展大廈2樓
電話：5228 0514
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
