李家 (山林道)

Open Now

Now Closed

黎到李家當然要叫韓式炸雞。因為太耐冇食，所以叫咗原味炸雞配甜辣炸雞。每件都炸到岩岩好，食得好滿足！佢仲有個可以加$10變無骨嘅選擇，下次等我試吓先。可能係我孤陋寡聞，炸醬麵喺韓國餐廳度見得多，海鮮炸醬麵就真係第一次見。唔知係咪因為多咗好多海鮮喺炸醬麵入面，令到個麵冇平時嘅炸醬麵咁鹹。最正嘅係，平時好難先撈得勻旬嘅炸醬麵，呢度上碟嘅時候已經撈好晒俾你㗎啦！蒸水蛋上到枱出晒煙，脹卜卜，咁見到已經覺得好興奮！以前細個食韓燒最鍾意食爐邊蛋，呢個蒸水蛋好似後生咗20年嘅爐邊蛋咁滑捋捋，唔會太鹹又好Juicy，果然最平凡嘅餸煮得好食嘅話就係最好味嘅餸🤤