珍味地道韓食 (Closed)

暑假全程投入工作，忙到想去下旅行嘅時間都冇，係附近約左個客，咁啱大家都想食韓國野，就走左去韓國街喇... 好多間我都食過，就係偏偏未食過呢間。時間尚早，人不算多，麻雀雖小但韓國味道幾重的。店舖充滿住木嘅裝飾，同傳統韓國嘅感覺，相當舒服... 好似去左韓國嘅地道小店咁。點完菜，店員好正宗咁安排左一d送嘅前菜俾我地，日本稱之為唧物，唔知韓國人又叫呢d做咩呢？個人特別推介， 醃製青瓜，醃得相當入味而偏辣，亦甜甜的，感覺頗正宗的。除左枱面上嘅menu, 仲有牆上都用黑板寫左一d特別嘅推介。天氣太熱，做左成日野，點返碟大豆芽清下熱，特別地見到有辣嘅大豆芽，跟一般韓國店嘅普通大豆芽不同，味道特別新鮮。我特別揀左人蔘雞湯。唔好以為人蔘雞湯好熱氣，唔講唔知，其實韓國人嘅人蔘雞湯，係出左名夏天食，而幼年人蔘仔，反而係有消暑解熱嘅功效架！人蔘仔煲到入哂味，而雞係大大隻好足料，先飲兩碗湯都十分鮮甜，跟住食到尾，個底仲有好d飯，正宗人蔘雞湯飯喇！最後我亦好好奇咁點左個珍味特飲，問完店員先知，原來係mix左柑汁嘅soda, 好fresh, 個底仲有d類似果肉嘅物體，一路飲一路咬口，透心涼食完呢餐飯，不禁令人好想