靠得住粥麵小館 (Closed)

今晚同囡囡去食晚飯，見開咗咁耐未試過又諗唔到食咩就入咗去。一入到去坐低一陣想叫人寫嘢，完全唔見人，要左叫右叫先寫嘢。我點牛腩撈麵，問有無筋，佢話有，我問可以走筋嗎，佢竟然答我走筋可以但因為牛腩同筋已撈埋一齊分唔開，筋少咗但牛腩都係咁。其實佢第一次講我完全get唔地址係到重點，我再問即走筋但牛腩都會少咗入，佢竟然答係！我從來無食過一間走筋會令牛腩份量變少！好啦，其實我已經想走人，但囡囡肚餓我算，點了薑蔥撈麵，同四季豆，個撈麵不如改名叫青蔥撈薑啦，我食哂啲麵同部份薑蔥都仲有大大碟係度，麵又唔見到份量多。四季豆味道鹹咗少少而且份量都唔算多。最攪笑係一間咁既餐廳，要收茶錢仲要收埋加一，咁既搵唔人叫嘢既服務，加埋答我走筋會腩份量少因為分唔開既答案，我一定呢一世都唔會再食！