靠得住粥麵小館 (黃大仙中心北館)

Open Now

Now Closed

星期日多數都係陪屋企人食飯，而中午靠得住就係必不可少嘅食店選擇。平時都食開粥呀水晶雞同炸排骨多。今次就想試下食咸魚蒸肉餅菜飯套餐。蒸肉餅上菜時間真係有點慢，家人都食左一半先來到。蒸肉餅的賣相其實不俗。睇落去好似好咸咁，其實不然。肉餅本身的味道好淡。肉餅多汁同嫩滑，不過由於本人比較好偏瘦的肉餅，所以這款多汁又有少少肥豬肉（其實係正常）本人就耍曬手啦。本身肉餅偏淡味，此時加埋馬友咸魚嘅配搭真係一流。味道濃度適中。👍🏻👍🏻👍🏻不過馬友有點太軟身，無左咸魚嘅咬口，呢度有點失望。仲有一點要講嘅，由於蒸到岩岩熟，底部都仲會見到粉粉地，所以先保持到肉餅嘅嫩滑度。不過本人就鐘意食再熟少少嘅肉餅多點。呢款肉餅整體而言唔太岩本人口味，所以唔會再點啦。