Video
Read full review
2018-01-04
89 views
幫公司做完野就順道食埋飯, 大角咀都係街坊小店多, 無咩頭緒.行行下發現呢間石燒, 價錢唔係太貴, 而且肉類款式好多選擇.鋪頭比較細, 但坐得都好舒服, 起碼唔會背貼背.以牛肉為主, 不過都有豚肉, 羊肉等選擇. 除左燒肉, 仲有鍋物同小食幾款.牛肉類花多眼亂, 最後揀左"美國頂級牛小排", 加多30蚊可以升級為定食, 包菇菌, 白飯, 沙律, 麵豉湯, 飲品.石燒舊石要燒熱先上枱, 所以都等左一陣. 石燒上枱時已經鋪左海鹽同胡椒等, 店員溫馨提示牛肉放上石面每面燒40秒左右就食得, 同時可以放埋D菇燒, 牛肉既油份令菇類吸收容易D熟.8安士既頂級小牛扒, 油花紋里好平均, 即時刺激食慾. 因為石面唔係太大, 所以一次都係放幾舊, 好似店員咁講大約40秒, 外面已經轉色, 入面剛剛熟.先食一舊唔點醬汁既, 入口非常非常軟腍, 入口即溶既口感, 肉汁充滿成個口腔, 齒頰留香. 牛本身既肉味已經好濃郁, 無雪藏味道. 就算燒得耐左, 肉質都唔會好韌. 店員亦有講, 由於佢地既肉係無經醃製, 所以響燒既過程可以落海鹽同胡椒, 唔夠味可以點埋醬汁. 但個人覺得海鹽吊下味已非常足夠, 因為牛肉本
行行下發現呢間石燒, 價錢唔係太貴, 而且肉類款式好多選擇.
鋪頭比較細, 但坐得都好舒服, 起碼唔會背貼背.
以牛肉為主, 不過都有豚肉, 羊肉等選擇. 除左燒肉, 仲有鍋物同小食幾款.
牛肉類花多眼亂, 最後揀左"美國頂級牛小排", 加多30蚊可以升級為定食, 包菇菌, 白飯, 沙律, 麵豉湯, 飲品.
石燒舊石要燒熱先上枱, 所以都等左一陣. 石燒上枱時已經鋪左海鹽同胡椒等,
店員溫馨提示牛肉放上石面每面燒40秒左右就食得, 同時可以放埋D菇燒, 牛肉既油份令菇類吸收容易D熟.
8安士既頂級小牛扒, 油花紋里好平均, 即時刺激食慾. 
因為石面唔係太大, 所以一次都係放幾舊, 好似店員咁講大約40秒, 外面已經轉色, 入面剛剛熟.
先食一舊唔點醬汁既, 入口非常非常軟腍, 入口即溶既口感, 肉汁充滿成個口腔, 齒頰留香. 牛本身既肉味已經好濃郁, 無雪藏味道. 就算燒得耐左, 肉質都唔會好韌.
店員亦有講, 由於佢地既肉係無經醃製, 所以響燒既過程可以落海鹽同胡椒, 唔夠味可以點埋醬汁. 但個人覺得海鹽吊下味已非常足夠, 因為牛肉本身非常新鮮.
驚唔夠飽個定食仲有白飯, 份量都唔少, 足足一大碗, 而且面頭仲加左D紫菜.
仲有沙律, 都係唔少, 食完好開胃.
麵豉湯同餐飲
食完仲有甜品, 係日本大福, 好軟腍腍, 個皮帶少少煙韌, 唔會太甜.
呢間小店真係令人驚喜, 食材好比高級餐廳, 但價錢就係街坊價. 而且店員服務親切欣勤, 食得非常愉快, 下次經過會再黎.
Post
