農米莊 (厚福街)

Open Now

Now Closed

呢間咁嘅舖頭，門口塊板寫到好平咁，但其實又貴又少，當日係買外賣，等15分鐘，店舖裡都坐得幾滿，好聲好氣同店員講嘢又唔應人，態度差。黑蒜雞湯米線唔知店員點包裝，成塊外賣盒膠蓋爛l咗落個湯裡面，變相幫我加料，我仲要夾返起個爛膠蓋再食，諗起個畫面都幾折墮。個湯好深色但冇咩味，都食唔出有黑蒜味，麵份量大概只有譚仔3份之1，唔好話阿叔啦，正常食量嘅人都唔夠食。師傅刀功一流，切雞切到咁薄都幾厲害，食埋骨都唔夠飽。米線好碎但食落又硬硬地，真係創新口感，第一下感覺好l難食，難食到食一啖已經掉。下午茶要40幾蚊，各位如果食開s可以去試試。