新高麗苑韓國餐廳 (Moved) New Location

一班friend聚餐，最好選擇都係食放題，無論日式或韓式，都可以食到唔同的食物！上星期我哋就揀左韓燒，因為想食乜野自己話事自己落手我哋黎到灣仔的“新高麗苑” ，估唔到呢度的食物種類相當豐富，豬、牛、雞、海鮮、蔬菜、熟食、水果、甜點等一應俱全！先睇下燒烤類方面，有好多選擇，牛、豬，海鮮、蔬菜……每款都已經調好味牛仔骨、豬扒燒完都唔覺得韌，相當juicy，調味亦適當，就咁食味道都相當唔錯，我個人就鍾意用生菜包著食黎減低油膩感 海鮮類雖然腌過，但食得出好新鮮，口感爽脆及鮮甜 小菜款式亦多蘿蘿，菠菜芽菜可口，泡菜青瓜開胃，白雲鳳爪爽口，魚乾仔煙韌！有各種飲品，但要另計，不過價錢相宜熟吃種類亦有好多選擇，味道亦相當有水準。我最愛首選豬腳薑，好入味但又唔會太腍，醋的香味亦夠濃郁 仲有壽司、甜品、糖水和生果等，每樣只係試少少就已經飽到捧住個肚！到買單時先發現仲有好多樣都未試匀，但真係好飽，唯有下次再黎過啦