魚吧

Open Now

Now Closed

一個人去Staycation，想靜一靜，思考人生，同時，當然要享受美食啦！晚餐揀咗Fish Bar，環境非常舒適，服務員亦好貼心，唔造作，感覺好舒服。檯面鋪有報紙，好耐冇睇報紙了，一個人食都唔覺得悶！餐前麵包非常好味，甜甜地，暖暖地，皮脆有口感，伴橄欖油，有嗆辣感覺，非常刺激味蕾。生蠔較細的Boudeuse生蠔，海水味濃郁，口感舒服，食完嘴裡停留住好似游水濁親的感覺，幾得意。較大的Carlingford生蠔，味道一般，唔算突出。龍蝦扁意粉 Lobster Linguine主菜係全隻波斯頓龍蝦Linguine，伴野生蘑菇和義大利青醬。龍蝦非常好味，先將蝦糕取出來煎香後再放回碟，蝦糕蝦肉兩種層次好有驚喜。Lingunie口感剛好，伴好多蘑菇，非常入味。晚餐嘅分量足夠2個人食，竟然一個人都食得完。